2010, ഡിസംബർ 1, ബുധനാഴ്‌ച

അജ്ഞാത കാണാന്‍എങ്ങനെ ?


രാവ് പകലിന്‍ വഴി കീറവെ
ഒരു നാലാം യാമം ബാക്കിയെന്നറിഞ്ഞു ഞാന്‍.

വെളിയില്‍ കാറ്റില്‍ കരിമ്പനകള്‍ കുത്തഴിച്ചു മുടി കോതുന്നു
ചില്ലുജാലകം പിന്നെ രൌദ്രമായ് തിറയാടുന്നു...

പാല്‍ നിറവും പാലപ്പൂ ഗന്ധവും
ഇന്ദ്രിയങ്ങള്‍ തഴുകി മെതിക്കുന്നു.

മുനിഞ്ഞുകത്താന്‍ ഒരു ശരറാന്തല്‍ പോലെ
നിറയുന്നവള്‍ അജ്ഞാത എവിടെയും നിന്ന്...

അവളുടെ നിശ്വാസം നനുത്ത ചൂടാണെന്ന്
ലജ്ജയാല്‍ പറയട്ടെ നുകര്‍ന്നിട്ട ചുണ്ടുകള്‍...

പേരു ചോദിച്ചപ്പോള്‍ ‘യക്ഷി’ എന്നുത്തരം
ഞാന്‍ എവിടെയോ മറന്നിട്ട പേരാണിതല്ലോ!

ആ ദര്‍ശനമേകിയ ചുട്ടുപൊള്ളുന്ന രാപനി,
വെറുതെ കൈ നീട്ടി ഉറക്കെ വിളിക്കുന്നു...

പകല്‍ വെട്ടം ആര്‍ നിനക്കു നിഷിദ്ധമാക്കി?
എന്നുറക്കെ ചോദിച്ച് കരയണമായിരുന്നെനിക്ക്.








***************

3 അഭിപ്രായങ്ങൾ:

  1. നന്ദി ജൂവൈരിയ .
    പിന്നെ എല്ലാ വന്നുപോയവര്‍ക്കും...

    മറുപടിഇല്ലാതാക്കൂ
  2. ആ ദര്‍ശനമേകിയ ചുട്ടുപൊള്ളുന്ന രാപനി,
    വെറുതെ കൈ നീട്ടി ഉറക്കെ വിളിക്കുന്നു...

    പകല്‍ വെട്ടം ആര്‍ നിനക്കു നിഷിദ്ധമാക്കി?
    എന്നുറക്കെ ചോദിച്ച് കരയണമായിരുന്നെനിക്ക്.

    മറുപടിഇല്ലാതാക്കൂ

നിങ്ങളുടെ പ്രതികരണങ്ങള്‍ എന്നിലെ നല്ല രചയിതാവിനെ രൂപപ്പെടുത്തും .